12 Maehe 2003 He Pänui Päpäho
Ka tüwhera ngä kuaha ki te whiriwhiri körero mö Te Reo
E kï ana a Leith Comer, arä te manahautü o Te Puni Kökiri, tënä ka tüwhera ngä kuaha ki ngä hapori Mäori ki te tuku mai
i ö rätau whakaaro mö te ora o te reo Mäori ä ngä tau kei te heke mai, me ngä mahi mä te Käwanatanga me te Mäori e
tutuki ai tënä ähuatanga.
“He nui tonu ngä mahi kua oti i ngä kaimahi a Te Puni Kökiri hei tautoko i te whakahoutanga ake i te Rautaki Reo Mäori.
Kua taki hui mätau ki te hunga päho, ki ngä whakahaere mätauranga, ki ngä röpü Mäori ä-motu nei me ngä kaimahi a ngä
tari käwanatanga pënä i a Te Mängai Päho me Te Taura Whiri i te Reo Mäori. Heoi, he mea nui tonu kia äta körero mätau ki
ngä pä harakeke o te reo mö te ahunga o ngä mahi nei”.
Hei tä Leith Comer, kua mutu te mate haere o te reo Mäori, engari he take nui tonu te whakakotahi i ngä mahi hei
whakapiki ake i te reo. Ko ngä whiriwhiringa körero nei tëtahi wähanga o ngä mahi a Te Puni Kökiri hei tautoko i te reo
Mäori.
“Ka noho ko Te Rangahau mö te Ora o te Reo Mäori he kaupapa pai mö te hunga whakamäherehere reo. Kua whakaputahia këtia
ngä pürongo ä-rohe e rua, mö Te Taihauäuru me Te Waipounamu, ä, tera anö ëtahi atu e takaia mai ana”.
Ka akiaki a Leith Comer i te nui tangata ki te tuku mai i ö rätau whakaaro mö te pukapuka whiriwhiri e kïia nei He Reo E
Körerotia Ana – He Reo Ka Ora. Me tae mai ngä körero nei i mua i te 14 o Aperira 2003.
Ka 14 ngä hui ä-rohe ka tü ki ngä pito katoa o te motu i ngä wiki kei te tü mai, mö te hunga e hiahia ana ki te
whiriwhiri körero kanohi-ki-te-kanohi. Heoi, ka taea hoki te pukapuka whiriwhiri te tirotiro i te whärangi pae tukutuku
mö te Rautaki Reo Mäori ki www.tpk.govt.nz. Ka taea hoki te tuku körero mai mä te ïmëra mls@tpk.govt.nz, mä te mëra tonu
arä ki a Sarah Asher, Rautaki Reo Mäori, Te Puni Kökiri, Pouaka Poutäpeta 3943, Te Whanga-nui-a-Tara.
ENDS