2 March 2016
Poroporoaki to Ranginui Walker
From Te Whakaruruhau o Nga Reo Irirangi Maori
Katanuku, katanuku
Katanuku, katanuku
Katanuku koa te tihi o te maunga, katanuku eeeii
E koro Ranginui
Kua oti kee tau pakanga
Kua oti kee tau hiikoikoi i runga i te mata o te whenua
Nau ano ra i whakatakoto i te huarahi hei whainga ma taatou
Nau ano ra nga kete i whakakii ai, hei matauranga ma taatou
Nau ano ra maatou i akiaki, i whakaohorere
Na reira e te matua, e te pou matakana o te ao Maori, moe mai
Moe mai e koe ki nga ringaringa o nga matua tupuna kua riro i te po ra
Mai i te po nui, ki te po ata,
Mai i te po ata ki te ata po
E koro moe mai, moe mai, moe mai ra
ends