Kua whakapakaritia ake te akoranga o Te Reo Mäori i roto i Te Taitokerau
He ai ki ngä körero a Te Minita Tuarua mo Te Mätauranga a Parekura Horomia i te ra nei, e rua ngä Kura Kaupapa Mäori ka
whakaüngia ki roto i Te Taitokerau.
Ko ngä kura nei, ko Te Kura Kaupapa Mäori o Te Tonga o Hokianga kei Whirinaki, me Te Kura Kaupapa Mäori o Pukemiro kei
Pukepoto, Kaitaia.
I roto i ngä tau tata kua hipa ake nei, i te whakahaere ënei kura i a räua whakahaere i raro i te marumaru o tëtahi atu
Kura Kaupapa Mäori tuakana, heoi ano, mai i te ra tuatahi o te marama o Oketopa e tu mai nei, ka tu raua i raro i to
raua ano mana motuhake.
He ai ki a Parekura Horomia, “Kua märama kë ngä körero a Te Tari Arotake Mätauranga, ara, kei ënei kura te mäiatanga mo
te whakarato i te mätauranga o ngä kounga teitei i roto i te reo Mäori. Ka whakapakaritia atu e tënei whakataunga te
mätauranga i roto i te reo Mäori i roto i Te Taitokerau.”
He ai ki a Parekura Horomia, “E whai wähi nui ana ngä äwhina mai a ngä iwi whänui o ënei rohe e rua i roto i te angitu o
ënei kura, ä, ka tuku mihi au ki a rätou mo ngä kaha i whakapaua e rätou ki te tautoko i a rätou tamariki.
Ka whakaäkona e ënei kura e rua te marautanga-a-motu i roto i te reo Mäori, ä, ka whakahaere hoki i a rätou mahi i raro
i te rapunga whakaaro mo te whakaako me te akoranga o Te Aho Matua.
He ai ki a Hohepa Campbell Te Tumuaki o Te Runanganui o Ngä Kura Kaupapa Mäori o Aotearoa, “Kei te harikoa rawa atu
mätou kua whakamanatia ngä kura e rua kei roto i Te Taitokerau, hei Kura Kaupapa Mäori tüturu. E tuku mihi ana mätou ki
ngä whänau me ngä tamariki o ënei kura e rua. Ma te whakamanatanga o Te Kura Kaupapa Mäori o Pukemiro me Te Kura Kaupapa
Mäori o Te Tongi o Hokianga e akiaki ëra atu o ngä iwi whänui tekau, puta noa i Aotearoa e kimi nei kia whakaüngia rätou
hei Kura Kaupapa Mäori tüturu.”
I tënei wä, e rima tekau ma toru ngä äkonga kei runga i te rärangi ingoa a Te Kura Kaupapa Mäori o Te Tonga o Hokianga,
ä, he ai ki ta rätou matakite, ka piki atu tënei maha ki te waru tekau ma rima äkonga i roto i ngä tau e toru e tu mai
nei i mua i a rätou.
I tënei wä ano hoki, e wha tekau ma toru ngä äkonga kei runga i te rärangi ingoa a Te Kura Kaupapa Mäori o Pukemiro, ä,
tëra ka tae te maha ki neke atu i te waru tekau äkonga a te tau 2008.
Ka whakaratohia e Te Tähuhu o Te Mätauranga ëra atu tahua ki te $500,000 mo ëra atu rawa ki tëna, ki tëna o ënei kura e
rua, hei whakarato i ngä whakaurunga hou mo te whakanohonga o ngä äkonga e tumanakohia ana ka haeremai ki ënei kura a
meake nei. E whai ana tënei ähua tohatoha pütea a Te Tähuhu o Te Mätauranga, i tëra e whäia ana e rätou mo te katoa o
ngä kura puta noa i Aotearoa whänui.