23 July 2002 Media Statement
Te wiki o te reo Mäori 2002
Kua tau mei te Wiki Reo Mäori ki runga ki a tätou, me te tuku huarahi ki te katoa o Aotearoa ki te whakanui I te reo
Mäori.
“Pärekareka ana te kite I ngä mahi whänui I tenei wiki, kei te motu. He pai anö te möhio kei te wäatea katoa ngä kaupapa
whakanui nei ki ngä whänau, tae atu ki ngä tauwhäinga ka ähei ngä nohanga hapori ki te whaiwähi përä I te Kapa Haka, te
Wharewhare (reo Mäori), te ‘Haka – whakakorikori ’ me ngä körero ä iwi, hei whakapakari I te tinana me te hinengaro.
“He huarahi anö ki te whakatairanga I ngä rauemi reo Mäori whänui I tënei wä, e arahi ana ki te whakapiki, ki te
whakaora I te reo ki te motu whänui.
‘Koianei, ko te reo Mäori te waka I te whakamöhio, I te whakapakari, I te päho hoki I ngä tikanga tangata whenua
motuhake, I ngä tuakiri, me ngä whakahaere pono mai rä anö ki o tätou reanga tängata.
“ I ahau ka huri haere ki te nuku o te whenua ka rongo ahau I ngä reo ä iwi, me ngä whakaaro rerekë e whiriwhiria ana, e
akona ana ki ngä tipuranga katoa e ako ana I te reo. Me te märama rawa atu, he reo tino ora tenei.
“I tïmatahia te Wiki Reo Mäori ämuri I te petihana Reo Mäori I whakatakotohia ki te Päremata I te 14 o Mahuru 1972.I
petihanatia te käwanatanga o te rä, ‘ te inoi kia tukuna he wänanga ako I te reo Mäori, me ngä aronga tikanga ki roto I
ngä kura.
“Kei te haere tonu te mahi ki te hanga I të tahi Rautaki Reo Mäori mo Aotearoa. Ko te rautaki nei ka äwhina I ngä mahi
kei roto i te rängai käwanatanga, kei ëtahi röpü ake, me ngä nohanga hapori, kia pümau ngä huarahi whakarite pai ake ki
te whakaora I te reo. Mä tënei rautaki anö e äwhina I ngä kura me ëtahi ake wänanga ako.
“He tahua moni kei Te Taura Whiri I te Reo Mäori, kei roto I te pütea Ma te Reo hei aha, hei whakarahi ake i te hunga
körero Mäori, i te matatau o te hunga körero Mäori, me te whakarahi ake i ngä wähi me ngä wä körero Mäori noa ai.
“ He maha ngä tangata e mahi ana ki te whakapakari I te reo Mäori I roto I ngä whänau, ngä hapü, ngä iwi, me ngä nohanga
hapori huri noa ki te motu.He mea whakahirahira ngä tautokohanga katoa nei I a tätou e tuku ana tënei taonga ki ngä
whakatipuranga kei mua. He whaiwähitanga mö te katoa.
“Kia përä ki te ata häpara ka tohua ngä waiata manu I roto I te ngahere a Täne Mahuta, me përä anö, me puta atu te rongo
whakatangitangi a te reo ki ngä whare noho katoa. Körerohia te reo,” e kï ana a Parekura Horomia.
WHAKAATURANGA: Ngä whänau, hapü, iwi, nohanga hapori Mäori ränei e pïrangi pärongo ake ana mö te Pütea Mä Te Reo, me
whakapä atu kei Te Taura Whiri I te Reo Mäori, me whakamau atu ränei ki tä rätou pae ipurangi kei
http://tetaurawhiri.govt.nz – whakamau atu ränei ki tënei hononga http://www.ma-tereo.co.nz.
ENDS