11AM SATURDAY MAY 12 2001
Rä Horoi, 12 Haratua 2001 Pänui päpaho
Kua Hainatia te Whakaaetanga Whakataunga a Ngäti Ruanui
HE AUKATI KEI RUNGA I TËNEI PÄNUI TAE NOA KI 11 I TE ATA
Whai tähuhu körero ana te rohe o Taranaki i tënei ata i te hainatanga a te Minita nöna te Mana Whakarite Take e pä ana
ki Te Tiriti o Waitangi, a Margaret Wilson, me ngä mängai o Ngäti Ruanui he Whakaaetanga Whakataunga i Pariroa Marae, ki
te tonga o Hawera.
I tautokona tënei whakataunga e ngä pöti a 87.7% a ngä uri o Ngäti Ruanui i manako ki te whakaaetanga.
I ara ake ai ënei pouritanga o Ngäti Ruanui, nä ngä mahi tükino a te Karauna i ngä tau tekau mai i 1860, ka uru atu te
whakatü pakanga, te murunga whenua, te maunga herehere, te whakahokinga ake i ëtahi whenua i raro i ngä whakaritenga
rïhi huhunu, me te whakaekenga i te iwi o Ngäti Ruanui me ëtahi atu i Parihaka.
Ko te wähanga o muri atu i roto i te mahi whakataunga ko te whakatakoto i te ture i te aroaro o te Paremata.
Ka mihi a Margaret Wilson ki ngä kaiwhiriwhiri mö Ngäti Ruanui mö te tutukitanga o te hainatanga tuatahi i roto i te
rohe o Taranaki. “Ko taku tümanako, i te roanga ake o tënei tau, i te hainatanga ngätahi me Ngäti Tama he Whakaaetanga
Whakataunga, ka haere tonu ngä whakatutukitanga i tohua e te whakaaetanga a Ngäti Ruanui,” te kï a Ms Wilson.
“Kei te pai te ahu whakamua haere tonu o ngä whakatikatika i ngä takahitanga i te Tiriti o Waitangi. Nä te mea ka taea
e Ngäti Ruanui te whakatau, ahakoa rä ngä tüponotanga katoa i Taranaki, he whakaaturanga anö tënei ka taea e te hätepe
Whakataunga Take Tiriti te whakatutuki ngä hiahiatanga o ngä iwi me te motu katoa.”
E whakarite ana te Whakaaetanga ko te mahi mä te Käwanatanga he:
- täpae töna hë
- whakawhiwhi he puretumu arumoni e 41 miriona tära, i rö whenua, moni ränei, he whakaaetanga mö ngä korenga whai hua i
pä ki a Ngäti Ruanui
- whakawhiti kia rima ngä wähi hiranga ki a Ngäti Ruanui
- whakaae ki te mana hï ika o Ngäti Ruanui me te mana ki ngä wähi e tino whai take ana ki te iwi
- whakaae ka riro anö i a Ngäti Ruanui te mana mö te 50 tau, ki te whakakorenga tuatahi ki te hoko, i te wäriu hoko
kikï, i ëtahi whenua Käwanatanga kei roto i te rohe.
Mö ngä körero katoa e pä ana ki te Whakaaetanga Whakataunga:
http://www.executive.govt.nz/minister/wilson/ngati-ruanui/index.html