Hīkoi Whakangahau mō te Reo Māori
Kei te whakahaere kaupapa rawe Te Taura Whiri i te Reo Māori ā te Rāhina te 11 o Mahuru ki Pōneke Tāone.
E whai ana mātou ki te whakapakari ake i te pai o te Hīkoi Whakangahau mō te Reo i tērā tau, mā te Hīkoi Whakangahau nui
ake, pai ake, e whakanui ana i te reo taketake o Aotearoa me te mahi a tēnā a tēnā tangata o Aotearoa hei whakarauora
ake i te reo Māori.
Nā reira e pōwhiri ana mātou i a koutou ko tō rōpū kia uru mai ki te Hīkoi Whakangahau nei me tā tātou kaupapa whakanui.
Kei te karanga i ngā rōpū katoa tūmatanui mai, tūmataiti mai, tae atu ki ngā whare wānanga, ngā wānanga, ngā kura, ngā
kura kaupapa, ngā rōpū tākaro tamariki, ngā rōpū kōhungahunga, ngā kōhanga reo, ngā rōpū hākinakina, ngā rōpū noa, ngā
rōpū kapa haka, ngā marae me ngā hapū puta noa i Te Upoko-o-Te-Ika kia uru mai ki te hīkoi whakangahau nei hei whakamānu
hoki i Te Wiki o te Reo Māori 2017.
Ko Te Wiki o te Reo Māori e whakatairanga ana i te take nei he ahakoa ngā āwangawanga mō te pae tawhiti o te reo, i
tēnei wā kei te kōrero tonuhia, kei te waiata tonuhia e ngā rau mano tāngata; 130,000 e matatau ana ki te kōrero, e
300,000 kei te ako ki te kura, ā, 10,000 kei ngā taumata whare wānanga. Ka mutu kei te tohu hoki ngā rangahau hou kua
hoki haere mai te tuku ihotanga o te reo ki roto i ngā takiwā i tāmate kē ai ia i te ngahurutanga tau 1970.
Ko tōna kaupapa mō tēnei tau kē arā Kia ora te reo Māori he angarua tēnei kōrero ina te kupu mihi rongonui o te motu,
ina kē hoki tōna tikanga ‘Kia ora ko te Reo Māori’.
Ka tīmata te hīkoi whakangahau ā te 11 karaka o te ata ki te Tohu Whakamaharatanga Pakanga kei te Kī o Lambton ka haere
hāngai ki te Marae o te Tāone kei reira nei he mahi ngahau tae atu ki ngā mahi whakangahau. Ko te whakahau ki ia rōpū
whakauru mai kia mahia mai he waka whakangahau, ahakoa he paihikara, he motokā, he wēne, he taraka rānei, ka
whakapaipaihia ka whakairiirihia ki ngā tohu tautoko i te reo Māori. Koia rānei ka uru takitahi noa mai, ā-rōpū mai
rānei ki te hīkoi whakangahau me te mau tohu whakaatu hoki i tō tautoko mō te reo Māori.
Mō te whakauru mai ki te hīkoi whakangahau nei, tēnā rānei he pātai noa āu, whakapā mai ki tō mātou rōpū whakawhiti
kōrero ki comms@tetaurawhiri.govt.nz ka waea mai rānei ki 04 4716 728. Tērā rānei ka rēhita ā-ipurangi mai, rēhita mai kei te tatari atu mātou ki tō whakapā mai.
Nō Aotearoa ake te reo Māori, ā, e whakahau ana mātou i ngā tāngata katoa o te motu (Māori mai, Pākehā mai) ki te
whakanui i te reo Māori hei reo mō te motu.
Māori Language Parade
Te Taura Whiri i te Reo Māori – the Māori Language Commission is organising an exciting event on Monday 11 September in
Wellington City – a parade even bigger than last year’s hugely successful celebration of te reo Māori.
We are encouraging all groups from the public and private sectors as well as universities, wānanga, schools, kura, play
centres, early childhood centres, kindergartens, kōhanga reo, sports teams, groups, kapa haka, marae and hapū throughout
Wellington region to join the parade to launch Te Wiki o te Reo Māori – Māori Language Week 2017.
Māori Language Week is about raising awareness that while there is reason to still be concerned about the long-term
future of the language it is still spoken and sung by many hundreds of thousands of people; 130,000 have conversational
fluency, 300,000 are learning at school and 10,000 in tertiary education. And new research points to the language being
picked up by children in the home once more in places where this had died out in the 1970s.
The theme for this year is Kia ora te reo Māori which not only picks up our national greeting but means literally, ‘Let the Māori Language live’.
The parade will start at 11.00am at the Cenotaph in Lambton Quay and proceed to Civic Square where there will be
activities including entertainment. Each participating group is encouraged to organise a float, be that a bike, car, van
or truck adorned in signs and symbols supporting te reo Māori. Alternatively you can come as an individual or group and
join the parade with a sign showing your support for te reo Māori.
If you would like to be a part of the parade or if you have any questions, please contact our communications team on comms@tetaurawhiri.govt.nz or 04 4716 728. You can also register online at Māori Language Parade Registration Form We look forward to hearing from you.
Te reo Māori is New Zealand’s language and we encourage all peoples of our nation (Māori and everyone) to celebrate its
role as part of our national identity.
ENDS